Mirush Kabashi, aktori që mban titullin e lartë “Nder i Kombit”, së fundmi ka postuar në Facebook mesazhin e tij për heronjtë aktual, mjekët.

Mesazhi i plotë:

“Ngrihuni kampionë… sepse në ditën kur valltaret dhe këngëtarët, futbollistët e artistët u fshehën, ju qëndruat të vetëm në shesh mejdan!
Ngrihuni kampionë… sepse në ditën kur çdo gjë është kyçur dhe karantinuar, ju qëndruat në shërbimin e njerëzve!
Ngrihuni kampionë…sepse ne i ngritëm në qiell të pavlerët, ndërsa pasuritë, famën dhe pushtetin ua dhamë atyre!
Ngrihuni kampionë… sepse sot e gjithë njerzia e kuptoi vlerën tuaj!
Ngrihuni kampionë… që tu falenderojmë për punën tuaj!”