Kush jemi
MEDITOJ.ORG është themeluar në 8 prill 2020 në Tiranë. Kjo si një ide për të sjellë njohuri rreth Islamit, për të krijuar një bashkësi virtuale të muslimanëve nga xhematet e ndryshme në Shqipëri e më gjerë. Gjithashtu, me rëndësi të veçantë, për të krijuar një bashkëpunim solid me Fondacionin Sabr.
FONDACIONI SABR është themeluar nga pjesëtar të Xhematit në Sarandë si një organizatë bamirëse, humanitare, filantropike dhe kulturore për të kontribuar në zbutjen e varfërisë, dhimbjes dhe vetmisë për shqiptarët si dhe për të ngritur e promovuar urat e solidaritetit. Fondacioni Sabr ka ekzistuar edhe më herët por në mars të vitit 2020 ka marrë formë si organizatë me veprimtari të përditshme.
Misioni
MEDITOJ.ORG ka në fokusin e tij kryesor krijimin e një rrjeti virtual dhe informimin mbi Islamin si religjion. Por gjithashtu duke vlerësuar dhe duke u përpjekur për të zgjeruar bashkëpunimin me Fondacionin Sabr, në ndihmë të gjithkujt që ka nevoja emergjente. Ne synojmë, me lejen e Zotit, të ngjallim shpresën dhe dëshirën për të jetuar te këta persona. Dhe për të lehtësuar dhe zbutur sadopak varfërinë.
FONDACIONI SABR mbështetet në besimin, se me ndihmë të Zotit dhe përkushtim të çdo njeriu mund të bëhen vepra të mira për të siguruar një jetë me dinjitet dhe humanizëm për çdo njeri. Për të përmbushur këtë mision, Fondacioni Sabr punon për të angazhuar energjitë, mirësinë dhe kontributin e çdo shqiptari në ndihmë të atyre që janë më të pamundur e të pashpresë për të siguruar daljen nga varfëria ekstreme, përmirësimin e kushteve shëndetsore, aksesin në arsim dhe punësim.
Themeluesit
MEDITOJ.ORG me adresë në Tiranë, është themeluar nga pjesëtarë të xhematit në Tiranë.
FONDACIONI SABR me adresë në Sarandë dhe Tiranë, është themeluar nga pjesëtarë të xhematit në Sarandë.
Gjithashtu vlerësojmë mbështetjen e rëndësishme të Xhamisë Sarandë, Qëndrës Kulturore të Xhamisë Sarandë dhe Xhamisë Qafë Gjashtë në Sarandë.